يأتي في كل سنة مرة..
يروح ويرجع ويعيد الكرة..
نزيد في عمرنا سنة وبأعمالنا مقصرين بالمرة..
يأتينا بالرحمة والغفران والمسرة..
نودعه وقلوبنا على اعمالنا ونقول اقبلها مننا
           ياالله..
<<اش رايكم في التأليف بس !!

هــــــــو رمـــــــضــــان...
كل عام وانتم بخير مليون مررررة..

ان من يعش حياة حقيقية  حافلة بالإيمان ،لا يخاف الموت!!فعندما تقول انك تخاف الموت  فأنت تقول انك خائف من انك لم تعش حياة حقيقية !! وهذا الخوف يغطي العالم  بالمعاااااناة<<<<الفكرة لكاتب غربي مع بعض التعديل ..

يالله كيف نستقبل ضيفنا العزيز؟!؟

1- بالإكثار من ذكر الله لأنها مناسبة جدا عظيمة لنا نحن كمسلميين ،كلنا نعلم  بأن القرآن الكريم نزل في رمضان وبالتحديد ليلة القدر..

2-لا يفووتكم ان غزوة بدر الكبرى كانت في رمضان وكان فيها الانتصار الساحق للمسلمين والي ربنا ايدنا فيها بجنووود من الملائكة ومع ان عدد المسلمين كان قليل ولكن الحمدلله انتصرنا وهي اول معركة لنا مع الكفار..

السعادة هي اقوى شيء في العالم  فهي تبعث الحيوية اكثر من كوب القهوة  الساخن في صباح بارد وتشعر بالنشوة اكثر من اي مسكر يشرب تحت ضوء القمر<<<<نقلتها كاملة للامانة بس ماعليكم من الجزئية الاخيرة لانها ضد مبادئنا وديننا الحنيف..
وما اظن في سعادة تعادل او تفوق سعادتنا بقوة ايماننا بالله وثقتنا فيه وتوكلنا عليه!!

3-المفروووض الاكثار من ذكر الله في كل وقت وكل نفس يخرج راح من عمرك وخسرت الوقت وانتوا عارفين عمرنا محدود !!وضعنا في الزمن الحالي لايسمح بالتقصير نهائيا!!..

اتمنى تقروا كتاب الله بشغف ونهم وتأمل ..تخلص الختمة تعيدوا بحماس اكتر  واكيييد انا معاكم ،اتمنى اختم القرآن  على الاقل 3 مرات ..<<ادعولي..

حاولوا تكونوا على طول مأقلمين نفسكم على اسوأ الاحتمالات !!علشان  وقتها تهون عليكم..
يعني مثلا :إذا كنتوا من النوع الي ما يقدر يمسك اعصابه عند الزحمة وخاصة الظهر وقبل المغرب !!ينتبه لايفقد اعصابه!!
والاولى انه يدبرها ويشف له صرفة !!مثلا مايخرج الا اذا كان المشوار ضروري  او يشوف احد ينوب عنه في السواقة بس دا الشهر ولا انكم تفسدوا صيامكم صح!!

خففوا ذنوب ومعاصي..حددوا مثلا مسلسل مسلسلين اذا مرررة مايمديكم تمنعوا نفسكم من التلفزيون ابدؤا بالتدريج..
وصدقوني كلها بتنعاد بعد رمضان الين رمضان السنة الجاية...

قال ايمرسون ذات مرة ((اننا نتحول الى مانفكر فيه طوال اليوم"

الاغاني من فضلكم انسوها نهائيا!!على الاقل خلال الشهر الكريم ولا تفكروا تسمعوها حتى ولو عن طريق النغمات في الجوال..واتمنى لو تغيروها للإسلامي وش ذنب الناس الصايمة تجرحوا صيامها!!!!
سبحان الله يمكن بعد رمضان تلقوا نفسكم اتعودتوا  انكم ماتسمعوها وبكدة تكونوا سويتوا انجاز !!

لاتنسوا العشرة الاواخر وتأكدوا  انه ليلة منهم رح تكون ليلة القدر!! وخصوصا الوتر منها 21-23-25-27-29 >>>اتوقع ماهي صعبة تكرسوا وقت لخمسة ايام بس..
وتذكروا ان في دي الليلة بالذات"ليلة القدر" تنزل الملائكة بأقدارنا للسنة الجاية !!فأكثروا من الدعاء..

ولا تنسوا ان الاعمار بيد الله تعالى بس يمكن يجي رمضان الجاي  وما نكون هنا !!نكون اتوكلنا للعالم الآخر!!الله يعطيكم طولة العمر..فأغتنموا الفرصة قد ماتقدروا >>مجرد نصيحة..

كما تقول قصيدة معروفة جدا:انت سيد مصيرك وانت قائد روحك فالأمر يتوقف عليك فلا تنتظر حتى تضع اهدافك!! إبدأ بتحويل شاحنتك الآن الى الامام..فعلى بعد مسافة قصيرة  سوف يكون مستقبلك ...

اتمنى يكون الكلام الي كتبته من ضمن طقوسك الخاصة في رمضان كل سنة على اساس نضمن الالتزام والأجر..
 ولو!! هذا ضيف موعادي وزنه ثقيييل لدرجة ربي هو الي يجزينا فيه غير عن باقي الاعمال..
اتمنى نكون ممن دعا ربه فاستجاب له وممن كتب لهم الرحمة والمغفرة والعتق من النار ..اللهم آميييييين

في حركة حلوة ((صحبتي إيلاف))الله يسعدها ويحقق كل امالها كانت تسويها<<قولوا آميييين..
 وهي انها:تلتزم في العشر الاواخر  تروح المسجد من صلاة التراويح الى التهجد تقضيها صلاة وقراءة قرآن>>ماشاءالله عليها الله يحفظها ..
وعلى فكرة كانت مبسوطة بدا الانجاز الي انا اعتبره نقلة نوعية في حياتها وكنت اناجدا مبسوطة فيه..

اتمنى ان كلنا نداوم حتى بعد رمضان على تلاوة القرآن!!ياجماعة اذا ماقرأناه 3 ايام نعتبرهجرناه!!
اتقوا الله في نفسكم..

+نصيحة ابتسموا وخلو تباشير  السعادة تظهر على ملامحكم الحلوة اكيييد،ولا تخلوا الاخرين ياخذوا عننا فكرة ان رمضان بالنسبة لنا روتين ديني او بانه تعب وجهد  وعصبية!!
بالعكس خلوهم يفهموه صح !!انتوا الي بيدكم توصلولهم الرسالة ...

مثلا ونتو قاعدين  على  الفطور  افتحوا موضوع تنافسي ((كل واحد يقول وين وصل في التختيم))وحطوا هدية للي يختم اول  او الي يختم اكثر من مرررة..

وكمان لاتنسواالسواك كلنا نعرف انه مطهرة للفم مرضاة للرب واكثروا من الصدقة ..
الصدقة ياجماعة الخير مايحتاج اقلكم حسناتها ومميزاتها!!

ختاما:
اتمنى لنا قضاء اجمل الاوقات  مع ضيفنا العزيز ..
هيا تصدقوا اني دوبي استشعر  اننا متوحدين وحالنا واحد وكلنا صيام وكلنا مستضيفينرمضان!!
ياعالم هو هذا الاسلام !!((الوحدة)) =((القوة)) اقولكم الله لا يحرمني منكم  ويخليكم لي..
سلام..